2017 жылдың 27 сәуірінде сағат 15.00-де № 41 ЖОМ (Суворов көшесі, 41) «Педагогикалық ринг - 2017» қалалық сайысының қорытынды кезеңі өткізіледі.

Сайыс шығармашылықпен жұмыс істейтін жас мамандармен ПроЛС клубының қатысушыларының тәжірибесін тарату мақсатында өткізіледі (жас мамандардың кәсібилігін анықтау). Клуб жыл сайын өз қатарларына жас мамандарды, педагогикалық оқу мекемелерінің түлектерін қабылдайды. Сайыс екі кезеңнен тұрады: іріктеу кезеңі және финал. Өтінішті барлығы 26 команда берген.

Финалға іріктеу кезеңінен өткен жас мамандардан құралған № 9, 16, 21, 22, 25, 26, 30, 30, 34, 36, 43 қала мектептері шығады.

Сараптама комиссия мүшелері құрамына Павлодар мемлекеттік институтының ғалымдары мен оқытушылары, педагогикалық колледждің оқытушылары, қалалық кәсіподақ қызметкері, білім беру бөлімінің әдіскерлері, мектеп басшылары, шығармашылықпен жұмыс істейтін мұғалімдер кіреді.

«Педагогикалық ринг» финалында командалар электрондық таныстырулар көрсетеді, «Жылдам сұрақ» кезеңіне, «Өмір- ойын» педагогикалық жағдайларды шешулеріне қатысады, «Менің әуестігім» тақырыбы бойынша үй тапсырмасын қорғайды.

Сайыстың қорытындысы бойынша жеңімпаздар мен жүлдегерлерге мадақтамалар табысталады.

                                                                                Павлодар қалалық білім беру бөлімі