Павлодар қаласының білім бөлімі
e-mail: kense.oo.ap@pavlodar.gov.kz 140 000, Павлодар қ., Кривенко көшесі, 25   Карта проезда телефон: 32-21-67 телефон доверия: 32-19-37
Сайттың аналитикасы
Бір жылда2595311
Бір айда206012
Бір аптада58735
Кеше8592
Тәулік5291
Балабақша кезегін тексеру
Тегі (Мысалы: Абаев)
Туған жылы (Мысалы: 2009)

МҚКК "Павлодар қаласының № 10 сәбилер бақшасы"

«Жомарт күз»  мерекесі.

«Жомарт күз» мерекесі.

02-11-2009 00:00

Алтын күз жанға жайлы, қоңыр салқын

Қойыпты «Жомарт күз» деп тауып атын

Ақ бидай, арпа, сұлы, дала аруы

Сан түрлі жемістері жейтін халқым

деп Павлодар қаласының «10 сәбилер бақшасы» мемлекеттік қазыналық коммуналдық кәсіпорнында «Жомарт күз» мерекесіне арналған ойын-сауық өткізілді.

Ойын-сауықтың мақсаты: Балалардың күз туралы білімдерін кеңейту және танымдық қабілеттерін дамыту болып табылады.

Мерекелік шараға 2 сәбилер топтарынан бастап барлық балаларымыз қатысты. 2 сәбилер топтарының кішкентай балдырғандары орманға саяхат жасады ( «Орманға барамыз» деген ән-биді орындады)

Күз мезгіліне арналған әндер орындалып, тақпақтар айтылып, би биленіп, ойындар ұйымдастырылды.

Балалардың көңіл-күйлерін көтеру және қызығушылықтарын арттыру үшін кейіпкерлер: Алтын күз, Ақ саңырауқұлақ, Кірпі, Қоян келді.

Балалар ойын ойнау кезінде Алтын күз айтқан жұмбақтарды шешті, Кірпіге жаңғақтар мен, саңырауқұлақтарды жинап берді.

Әсем кештің ажары әсем бисіз бола ма дегендей, балаларымыз қолшатырмен және « кішкентай әлем» деген билерді мың бұрала орындап берді.

Балдырғандарды жылдамдыққа, шапшандыққа баулу мақсатымен «Допты кіргіз», «Шалшықты айналып өт» атты ойындар ойналды.

Музыкалық аспаптар оркестрінің сүйемелдеуімен «Жаңбыр тамшылары» деген әнді шырқады. Күздің байлығын, берекесін әнмен өріп, бимен әрлеп «Жомарт күзді» өз нақышында, өз деңгейінде мерекелеген іс-шаралар балалардың ойында ұзақ сақталады деп ойлаймыз.