Шынықтырудың негізгі ережелері. 1. Баланы шынықтыруға жылдың кез келген мезгілінде кірісуге болады. 2. Баланы шынықтыруды үзбей үнемі жүргізгенде ғана пайдалы. Күнбе-күн оны тиянақты етіп отырмасаңыз, қол жеткен жетістіктен айырылып қаласыз. 3. Шынығу әрекеті ұзақтығын және шынығу ауырлығын кенет күшейтіп жіберуге болмайды. Егер біртіндеп жүргізуде қалыптасқан жүйе бұзылса, ол баланың салқындап, ауырып қалуына жол беруі мүмкін. 4. Егер бала жиі ауырса, ем шараларын тастауға болмайды. 5. Шынықтыру ем шараларын жалпы (үстіне су құю) және жеке бір ағзаларға әсер етуді қосып, комплексті түрде жүргізсе, онда шынықтыру процедураларының тиімділігі арта түседі. 6. Барлық ем шаралар балаға ұнап, оның жағымдылығын бала сезетін болуы тиіс.