Жедел жәрдем жылдам келсін десеңіз... 

Жазатайым  қиын  жағдайға душар бола қалсаңыз «101», «102», «103» нөмірлеріне қоңырау шалып, көмек сұрау жадымызда әбден жатталған. Алдыңғы екі нөмір жиі қажет етілмегенімен, «103»-ке кез келген адам ерте ме, кеш пе, әйтеуір бір қоңырау шалары анық. Нөмірді тергеннен кейін тұтқаның арғы жағынан естілген дауысқа өз қажетіңізді айтып, жәрдем сұрайсыз. Алдымен, жедел жәрдемді не үшін шақыртатыныңызды ойыңызда жинақтап алыңыз. Мысалы, «Жүрек ауруы» немесе «Құлап қалып, аяғын жарақаттап алды» тағы сол секілді.