Қазақстан Республикасы Конституциясының 20-жылдығын, Қазақстан халықтары Ассамблеясының 20-жылдығын мерекелеу аясында Павлодар қаласының білім беру бөлімі 2015 жылғы 25 тамызда №23 мектепке дейінгі білім беру мекемесінің базасында қала балабақшалары тәрбиенушілерінің арасында асфальтқа сурет салу сайысын өткізді. Балабақша ішіндегі сайыстардың қорытындылары бойынша олар жеңімпаздар болып саналды. Осы балалар қалалық шаралардың сайыскерлері болды. Біздің №9 балабақшамызда даярлық тобының тәрбиеленушісі Төлеубай Әлихан сайыс жеңімпазы болды. Әлихан асфальтқа сурет салу барысында өзінің бойындағы шығармашылық қабілеттерін, талантын, дағдыларын және Қазақстанның ғажайып тамаша табиғатын бейнелеуге, сурет салу өнерінің техникасын қолдана білген: биік таулы өңірді, көгілдір аспанды, жарқыраған күнді, тау бөктеріне орналасқан ақшаңқан киіз үйлі ауылды, суы сылдырап аққан өзенді және жайбарақат жайылған қойлар мен жылқыларды тамаша көрсете білген.

Осындай өзінің балалық бай талантын көрсете білген Әлихан мадақтамамен марапатталды. Жарайсың, Әлихан! Талабыңа нұр жаусын! Өнерің өрге жүзсін!