Бұл ертеңгіліктер балаларды өз дәстүрлерін қадірлеп-қастерлей білуге, еліне деген сүйіспеншілікке баулуда тәрбиелік мәні зор. Мерекелік шараға сәбилер тобынан бастап даярлық топ балалары қатысты. Мерекеге арналған ән-күй залы ата-бабаларымыздың кезіндей безеңдіріліп,  балаларды таң қалдырды. Мерекелік шараға қазақ ертегі кейіпкерлерімен, Қыдыр атамен  әже келіп, балалармен ән айтып, "Домбыра", "Батырлар", "Қара жорға" биін билеп, ұлттық ойындар ойнап, қөңілден шыға білді. Мерекелік шараға ата-аналарда қатысып, өз үлестерін қосты, балалармен бірге ойын ойнап, "Жорға биін" билеп балаларды таң қалдырды. Мереке соңында балалар әже әкелген дәмнен ауыз тиіп, "Наурыз көже" ішті. Бұл ертеңгілік  балалар көңілінде көпке дейін сақталады деп сенеміз.