Павлодар қаласы білім беру бөлімінің "Павлодар дарыны" бос уақытты  қамту және балалардың дарындылығын дамыту орталығымен  2022 жылғы 28 сәуірде Павлодар қаласында сағат 10.00 - ден 17.00-ге дейін робототехника бойынша "Менің роботым"қалалық олимпиадасы  өткізіледі.

Олимпиадаға қаланың 29 жалпы білім беретін мектептерінен 5-11 сыныптардан 102 оқушы қатысады.

Мақсаты-қойылған мақсатқа жету үшін роботтарды бағдарламалау дағдыларын тексеру, ақпараттық-коммуникативтік және инженерлік-шығармашылық құзыреттілікті дамыту, робототехникамен, бағдарламалаумен айналысатын, стандартты емес  ойлау қабілеті бар, конструктивті қызметке қабілетті дарынды оқушыларды қолдау.

Олимпиада үш бағыт бойынша өтеді:" Кегельринг квадро"," Робофутбол"," Лабиринт".

2 бағытта "Робофутбол", "Кегельринг квадро" жалпы білім беретін 26 мектептің 5-8 сынып оқушыларынан 33 команда бақ сынайды.

"Лабиринт" санатында жалпы білім беретін 10 мектептен 9-11 сынып оқушыларынан 10 команда қатысады.

Олимпиаданың жеңімпаздары мен жүлдегерлері  «Павлодар дарыны» БУҚБДДО  I, II, III дәрежелі дипломдарымен марапатталады.

Павлодар қаласының білім беру бөлімі