2022 жылдың 26 ​​қазанында 8-10 сынып оқушылары арасында «Жас экорепортер» облыстық экологиялық байқауы өтті. Байқауға қатысушылар экологиялық проблемаларға арналған жұмыстарын ұсынды.

       Байқауға аудандық, қалалық кезеңдердің жеңімпаздары атанған 56 оқушы қатысып, оның ішінде 24 қатысушы облыстық білім басқармасының дипломдарымен марапатталды.

      Қаланың жалпы орта білім беретін №28 және №30(2) мектептерінен 3 оқушы қатысты. Жүлделі ІІ орынды № 28 орта мектебінің 10 сынып оқушысы Леннов Александр иеленді. Ол өзінің «Шығарылған газдар атмосфераға қалай әсер етеді?» видеоролигінде көліктің көптігі қала экологиясына қалай әсер ететінін көрсетті.

 Александрды құттықтаймыз және оқуда табыс тілейміз!