12 мамыр күні сағат 14.00-де Б.Момышұлы атындағы мектепте Павлодар қаласының білім бөлімінің «Павлодар дарыны» бос уақытты қамту және балалардың дарындылығын дамыту орталығы 1-4 сынып оқушыларына арналған «Абай оқулары» байқауының қалалық кезеңін өткізеді.

Байқаудың мақсаты - қазақ халқының әдеби мұрасын дәріптеу, оқушылардың классикалық қазақ әдебиетін оқуға деген қызығушылығын арттыру.

1-4 сынып оқушылары, мектеп кезеңінің жеңімпаздары қатысады. Оқулар екі бағыты бойынша өтеді: «Өлең - сөздің патшасы, сөз сарасы» - Абай шығармалары бойынша мәнерлеп оқу байқауы және «Құлақтан біріп бойды алар, әсем ән мен тәтті күй» - Абай әндері мен күйлерін үздік орындау.

Байқау қорытындысы бойынша жеңімпаздар мен жүлдегерлер Павлодар қаласының білім бөлімінің I, II, III дәрежелі дипломдарымен марапатталады.