2023 жылдың 3-6 мамыр аралығыда Астана қаласында «Robotek Grand Tournament» республикалық турнирінің соңғы кезеңі өткізілді.

Турнирдің мақсаты – робототехникадан халықаралық чемпионатқа қатысатын құрама команда мүшелерін іріктеу мен бағдарламалаумен айналысатын және сындарлы іс-әрекетке қабілеті бар, өзге де инновациялық технологияларды меңгерген талантты оқушыларды анықтау.

Республикалық турнирге 130 командадан 200 ден астам оқушылар қатысты. Оның ішінде біздің Павлодар қаласының № 25 орта мектебінен оқушылар болды.

Турнир келесідей – «Робо-сумо», «Эстафета», «Сызық бойымен жарыс»,  «Кегельринг-квадро», «Биатлон - кіші санат», «Биатлон – аға санат» және «Лабиринт» сынды жеті санаттан тұрды.

Жарыстың қорытындысы бойынша «Лабиринт» санатында сынға түскен Павлодар қаласының № 25 ЖББОМ 8 сынып оқушылары – Абылай Мукин мен Дидар Орынғазы жүлделі ІІ дәрежелі дипломмен марапатталды. Жеңімпаздарымызды құттықтаймыз!