2023 жылғы 11 қазанында «Павлодар дарыны» бос уақытты қамту және балалардың  дарындылығын дамыту орталығы Павлодар қаласының шығармашыл оқушылары арасында «Ақберен» республикалық өнер байқауының қалалық кезеңін өткізеді.

Байқаудың мақсаты: 8 - 11 сынып оқушыларының гуманитарлық – эстетикалық ғылымдар саласындағы кәсіби қызметті таңдауға, өлең жазуға, тапқыр талантты ашуға, оқушылардың  (поэтикалық, шешендік шеберлік, түрлі ұлттық аспаптарда ойнау және т.б.) шығармашылық қабілеттерін анықтау.

Конкурс 6 номинация бойынша өткізіледі: «Ақындар мүшайрасы», «Ақындар айтысы»,  «Шешендік, білгірлік сайысы», «Ұлттық аспапта өнер көрсету»,  «Эссе жазу», «Көркем сөз оқу».

Бірінші орын алған қатысушылар ағымдағы жылдың 13 қазан айында өтетін «Ақберен» республикалық  өнер байқауының облыстық кезеңіне қатысады.