2024 жылғы 13 наурызда Павлодар қаласы білім беру бөлімі «Павлодар дарыны» бос уақытты қамту және балалардың дарындылығын дамыту орталығы Наурыз мерекесіне орайқалалық «Жұлдызыңды жақ» байқауын  өткізді.

   Байқаудың мақсаты - мемлекеттік мерекелер мен іс-шараларды, концерттік бағдарламаларды жүргізетін талантты жүргізушілерді анықтап, оларға қолдау көрсету, оқушылардың орындаушылық шеберліктерін арттыру және көптілділікті насихаттау.

       Қалалық байқауға қаланың 16 жалпы білім беру мектептерінен 5-10 сыныптың 20 оқушысы қатысты.

      Байқау шарты бойынша қатысушы өзі дайындап әкелген мерекелік сценарий оқып, сондай-ақ, дауыс ырғағын көрсетуге мүмкіндік беретін өлеңдер қара сөз, көркем шығармалардан үзінділерді мәнерлеп оқыды.

  Қорытынды кезеңінде арнайы жағдаяттық сұрақтар беріліп, оқушылардың жағдаяттық сұрақтарға толық жауап берулері қаралды.

   Қалалық байқау  қорытындысы бойынша І дәрежелі дипломмен № 33 орта мектептің 9 сынып оқушысы Уразбекова Даяна марапатталды.

    ІІ дәрежелі дипломды № 2 орта мектептің 9 сынып оқушысы Қанағатқызы Толғанай, Ш.Шөкин атындағы гимназия мектебінің 9 сынып оқушысы Мордовец Данелия иеленсе, ІІІ дәрежелі дипломмен № 7 орта мектептің 9 сынып оқушысы, Мухтарова Тоғжан, № 31 орта мектептің 9 сынып оқушысы Абильдина Жасмин, А.Байтұрсынов атындағы орта мектептің 9 сынып оқушысы Тумаренко Аурика марапатталды.

  Байқауға қатысқан оқушыларға «Павлодар дарыны» бос уақытты қамту және балалардың дарындылығын дамыту орталығының  сертификаттары беріледі.