"Павлодар дарыны" бос уақытты қамту және балалардың  дарындылығын дамыту   орталығымен    2024 жылғы  28 қарашада № 7 орта мектепте "Үздік мектеп парламенті» байқауы өткізілді.

Мақсаты - мектеп парламенттерінің қызметін жандандыру, оқушылардың өзін - өзі басқару органдарының жұмысының тиімді тәжірибесін анықтау, балалар мен жасөспірімдер қозғалысының қызметін ұйымдастырудың нысандары мен әдістерін жетілдіру.

Байқауға қаланың 27 жалпы білім беретін мектебінен 9-11 сыныптың  280-нен аса оқушы қатысты. Байқауға қатысушылар мектеп парламентінің визиттік карточкасын көрсетіп, парламент қызметінің нәтижелерін, өз жетістіктерін, мектеп парламентінің портфолиодағы белсенділігі мен бірегей ерекшеліктерін көрсетіп, өздерінің инновациялық жобалары туралы ойларымен  бөлісті.

Байқау қорытындысы бойынша 10 жүлделі орындарға келесі командалар ие болды: оның ішінде І орын – Ш.Шөкин атындағы гимназия - мектебі, ІІ орын - № 2, 40, М.Жүсіп, М.Әуезов атындағы мектептері, ІІІ орын - № 11, 21, 26, Ж.Тәшенев атындағы, Ә.Бөкейхан атындағы лицей – мектебі.

Жеңімпаздар мен жүлдегерлер Павлодар қаласы білім беру бөлімінің I, II, III дәрежелі дипломдарымен марапатталды.