2010 жылдың 14-ші маусымында, ІІ сәбилер «А» тобының тәрбиешісі Ризадина Эльмира «Өтірік өлеңдер» атты топаралық сайыс өткізді. ІІ сәбилер «А» тобының, қисының тауып қиыстыра өтірік өлең айтқыштары, тірек сызба әдісін қолданды. Мысалы:

1) Сиыр басып жұмыртқа,

Тараттық оны бар жұртқа. Тәрбиеленүші Балтабаева Адалжан .

2) Менің атым Ләйлә,

Бардым кеше айға.

Ай адамды сыйлап,

Міңгізді бір тайға. Тәрбиеленүші Кабибулла Алина

3) Қатысты ұлу жарысқа,

Жетіпті үлкен табысқа. Тәрбиеленүші Бергенова Амина

4) Мініп алып құртқа,

Өрмеледім бұлтқа. Тәрбиеленүші Оспанова Мерей

5) Ұстап алып қоңызды,

Баққыздым көп доңызды. Тәрбиеленүші Бахыт Айдана

6) Жүгіріп келіп пілге міндім,

Пілге мініп кішкентай інге кірдім. Тәрбиеленүші Ізбасар Алмас

7) Сүтін сауып торғайдың

Жетім тайды өсірдім

Аққу жегіп арбаға

Бүкіл елді көшірдім. Тәрбиеленүші Исабеков Амиржан

Осы тағы да басқа өтірік өлеңдермен жалғасқан кеш қызықты өтті

Ал, ІІ сәбилер «Б» тобы және естияр «А» тобы шындыққа жанасымды өтірік өлеңдерді қимыл қозғалыстарымен көрсетіп айтты және оны суреттеуге балаларды шақырды.