Екінші кіші "А,Ә" топтарында ата-аналармен бірлескен "Отбасылық сайыс" спорттық жарысы өтті. Балалар спорттық сайысқа белсене қатысып берілген тапсырмаларды бұлжытпай орындауға тырысты. Ата-аналар да спортқа белсенділік танытты. Балалардың, ата-аналардың да  көңіл күйлері көтеріңкі болып дене шынықтыру нұсқаушысы Бейсембаева Мадина Дүйсембековнаға үлкен алғыстарын білдірді. Спорттық сайыс соңында отбасылар мадақтамамен марапатталып, кішкентай бүлдіршіндер тәтті сыйлыққа ие болды.