Балабақшамызда Қазақстан халықтарының бірлігі күніне арналған мерекелік іс-шаралар өткізілді. Мерекеде оқушылар халықтар достығы мен еліміздегі бейбітшілік туралы тақпақ айтып, ән шырқады. Сонымен қатар бүлдіршіндер түрлі ұлттардың билерін билеп, түрлі ұлттық дәстүрлі ойындар ойнады. Мерекеде ортаңғы топ тәрбиеленушілеріне түрлі ертегі кейіпкерлері қонаққа келсе, үлкен топтың балалары өздері рөлдерді сомдады. Көптеген бүлдіршіндер түрлі ұлттардың киімдерін киіп, мерекелік көңіл-күй тудыруға ықпал етіп, әртүрлі халықтардың мәдениетін жақынырақ тануға септігін тигізді.