Бала бақшамызда 6 сәуір күні даярлық топтары арасында Отан қорғаушылар күніне және Жеңіс күніне арналған спорттық эстафета өткізілді. Мақсаты: Отанға деген сүйіспеншілікті, халқымыздың батырлығына деген мақтаныш сезімін тәрбиелеу, дене шынықтыру белсенділігін арттыру болды. Командалар ептілікке, дәлдікке, шапшаңдыққа жарысты. Ең жылдам және шапшаң мемлекеттік тілде оқытылатын даярлық тобының «Сарбаздар» командасы болды, екінші орынды орыс тілінде оқытылатын даярлық «Жұлдыздар» тобының «Танкистер» командасы иеленді және үшінші орынға орыс тілінде оқытылатын «Күншуақ» даярлық тобының командасы шықты. Эстафетаға қатысушылар күштерін, ептіліктері мен шапшаңдықтарын ғана көрсетіп қоймай, сонымен бірге командада жұмыс жасай білетіндіктерін де көрсетті. Балалар күш жинап, жақсы көңіл күйде болды.