9 ақпан күні балабақшада жылдық жоспарды және жылдық міндеттерді орындау аясында инновациялық педагогикалық технологиялар арқылы балалардың сөйлеу әрекетінің әртүрлі формалары мен түрлерін дамыту тақырыбында педагогикалық кеңес өтті. Педагогикалық кеңестің мақсаты: мектеп жасына дейінгі балалардың сөйлеу тілін дамыту жұмыстарын жетілдіру. Педагогтардың құзыреттілігін, коммуникативтік қасиеттерін, ұжымда жұмыс істеу қабілеттерін дамыту; балалардың сөйлеуін дамыту мәселесі бойынша педагогтардың білімдері мен дағдыларын нақтылау. Педагогтар бұл мәселенің өзектілігін атап өтті, сөйлеуді дамыту міндеттерін талқылады. «Педагогикалық жорығы» іскерлік ойыны барысында педагогтар мектеп жасына дейінгі балалардың сөйлеуін дамытудың әдіс-тәсілдері мен құралдары туралы білімдерін белсендіріп, осы мәселе бойынша теориялық және практикалық білім сайысына түсті. Келесі кезекте педагогтар өз қолдарымен жасаған мектеп жасына дейінгі балалардың сөйлеу тілін дамытуға арналған ойындарын көрсетті. Педагогикалық кеңес жылы және қолайлы атмосферада өтті және талқылаумен шешім қабылдаумен аяқталды.