Мерекеде күздің есігін айқара ашқан, әрбір топ бүлдіршіндері өнер көрсетті. Мерекенің қойылуының негізгі мақсаты – еліміздегі күздің бар байлығын ортаға салып көрсету. Күздің бас кейіпкері ретінде «Алтын күз» ортаға шақырылды, сонымен қатар, мерекені одан әрі көркейте, қызықтыра түсу үшін бүлдіршіндер арасында ойындар ойнатылды. Бүлдіршіндер жыл мезгілдерін, соның ішінде алтын күздің өзіндік табиғат сырларын білуге деген талпыныстарын түрлі көкөністер көрсету, өлең, би арқылы жеткізуге тырысты. Түрлі жеміс – жидек түрінде киінген бүлдіршіндер шара аясында дөңгелене би-билеп, табиғат туралы дайындаған тақпақтарын мәнерлеп айтты.