Тәуелсіз мемлекетімізде отаншылдық  рухта тәрбие беру – әрбір азаматтың мемлекетімізге, оның даңқты да қиын тарихына, алдағы болашағына өзінің қатысты екендігін сезініп, еліміздің мұң-мұқтаждарын ойлануынан басталады. Республика аумағында елдің елдігін танытатын, отаншылдық пен патриоттық рухты оятатын, әр жүректе мақтаныш сезімін тудыратын нышандар өз дәрежесінде көрініс тауып отыруы шарт. Қай ұлттан шыққанына қарамай, әрбір азаматтың парызы ең алдымен өз Отанының заңдылықтарын бұлжытпай орындаудан басталады. Отанын сүйетін нағыз патриот азамат Қазақстан Республикасының мемлекеттік рәміздеріне – Туға, Елтаңба  мен Әнұранға ерекше құрметпен қарайды және мемлекеттік нышандарымызды шын ниетімен қадірлейді және оны басқалардан талап етеді...