2-маусымның салтанатты ашылуы «Бейтаныс планеталарға саяхат» деген атпен ашылды. Балалар жасақтар бойынша жарысып, грамота, сыйлықтар алды. Мерекелік түскі ас ұйымдастырылды.

Әр күн линейкамен, таңғы жаттығумен басталады. 

Мектеп жанындағы лагерь балалары Оқушылар сарайына, бассейнге, ПМПИ-ге, «Ертіс» кинотеатрына, өлкетану мұражайына, «Сәлем» клубына, көркемөнер және музыкалық мектебіне барады.

Лагерьдегі әр күннің өзінің атауы бар: «Жаяу жүргінші күні», «Мемлекеттік рәміздер күні», «Табиғат күні», «Кодекс күні», «Денсаулық күні» және т.б. Күн бойы жасалған істердің мониторингі – күн қорытындысын шығарудың  ерекшелігі болды. Әр жасақ жасаған жұмыстары үшін жұлдыз-ұпай алды. СӨС алдын алу мақсатында облыстық нашақорлық диспансер маманының қатысуымен дөңгелек үстел өткізілді. Балаларға емдеу гимнастикасы өте ұнайды.