Қаңтардың 6-8 жұлдызы аралығында «Балалардың бос уақытын қамту орталығының» ұйымдастыруымен «Шығармашылық mix» шығармашылық ауысымы жұмысы жүргізілді. Оған мектебіміздің 8 «А» сынып оқушысы Двинянина Екатерина, 6 «Б» сынып оқушылары Кареян Нектар, Гостева Софья мен 9 «Г» сынып оқушылары Балтабай Дінмұхаммед, Бейсаров Олжас қатысты. Алғашқы күні балалар үш отрядқа бөлініп, өз отрядтарын таныстырды. Екінші күні оқушылардың өздері ұйымдастыруымен бейнелеу өнерінен мастер-класс өткізіліп, флешмоб билетіліп, түрлі ойындар ойнатылды. Шығармашылық ауысымның соңғы күні қатысушыларға жалпылық мәдени маңызға ие жоба ойлап табу тапсырылып, оны таныстыру қажет болды. Біздің оқушыларымыз бұл сыннан да сүрінбей өтіп, шараға белсенді қатысқандары үшін сертификаттар, мақтау қағаздары және кішігірім сыйлықтармен марапатталды.