Павлодар  қаласының  №17 ЖОББСОБМ  3 «Ә» сынып оқушысы Минап Іңкәр, 6 «Г» сынып оқушылары Серік Тұмарым, Марат Аяла бастауыш сынып мұғалімі Жазкей Сайрагулдің жетекшілігімен қаламыздағы «Ертіс таңы» бағдарламасында тікелей эфирде қонақта болды. Бағдарлама «Білім, ғылым, өнер» тақырыбында болды. Оқушылар өздерінің жазған өлеңдерін, шығармаларын оқыды. Өнерлерін ортаға салды. Жалпы мектепте өтетін үйірмелердің пайдасы туралы айтып, ой қозғады. Оқушылардың алдағы армандары, болашақтағы жоспарлары туралы да айтылды. Мектебіміздегі шығармашылықпен жұмыс жасайтын, талантты, ұлағатты ұстазымыз Жазкей Сайрагул мұғалімнің еңбегіне жеміс, жұмысына табыс тілейміз!