31 қазан күні біздің мектебімізде облыстық семинар өтті. Семинардың негізгі мақсаты –  әдістемелік бірлестігіміздің тақырыбы негізінде  қазақ тілі сабағын құзіреттілік тұрғыда ұйымдастыру. Осыған орай мектебіміздің  оқу ісінің меңгерушісі Матыкова Гүлмира Сақтайқызы «Қазақ тілі сабағын құзыреттілік тұрғыда ұйымдастыру» тақырыбында баяндама оқыды.Мұғалімдері Джахаева Гүлнара Жаксылыққызы мен Шахметова Райхан Сапарғалиқызы  ашық сабақтар көрсетті. Ашық сабақтарға 7 «Б» сыныбы мен 6 «Б» сынып оқушылары қатысты . Аталған сыныптардың оқушылары ұзтаздарының еңбектерін ақтап, сабақта белсенділік танытып отырды.

   Сыныптан тыс іс-шарада «Балауса» қалалық сайысының жеңімпаздары, «Әй, жарайсың!» сайысының жеңімпаздары мен мектебіміздің мақтанышы Котельников Артем өз өнерлерімен көрермендерді таң қалдырды. Сыныптан тыс іс-шараны ұйымдастырған Дощанова Қаламқас Болатханқызына ризашылығымызды білдіреміз.

    Өткізілген семинар барлығының көңілінен шықты. Семинарға келген әрбір мұғалім өздеріне түйіп алатындай тың дүниелер алды деген сенімдеміз.

    Семинарға өз үлестерін қосқан әдістемелік бірлестіктің барлық мұғалімдеріне алғасымыз шексіз.