2019 жылғы 13 қараша күні № 36 ЭБЖОБББМ «МЕНІҢ ТУЫМ, МЕНІҢ ОТАНЫМ!» патриоттық акциясы аясында жиын өткізілді. Патриоттық акцияның негізгі мақсаты - Мемлекеттік Туды қоғамдық орындарда, туристік объектілерде, сауда-ойын-сауық орталықтарында, жоғары және орта арнаулы оқу орындарында тұрақты негізде орналастыру. «МЕНІҢ ТУЫМ, МЕНІҢ ОТАНЫМ!» патриоттық акция қатысушыларына құттықтау сөзімен «Нұр Отан» партиясының мүшесі, Еркебұлан Темірболатұлы Садықов сөйледі. Акция барысында қазақстандық тудың тарихы туралы айтылып, патриоттық әндер шырқалып, авторлық поэтикалық шығармалар оқылды. Шара соңында ұйымдастырушылар «Менің Туым, менің Отаным!» Мемлекеттік Әнұранды кеңінен насихаттау және жастардың бойында патриоттық сезімді қалыптастыру мақсатында аталған акцияны қолдауға шақырды!