Балабақшаның жылдық жұмыс жоспарын жүзеге асыру мақсатында  барлық топтарда мектепке дейінгі балалардың тілін дамыту бойынша ашық көрсетілімдері өткізілді.  Педагогтар әріптестерінін алдында өздерінің кешенді білім беру іс-әректін ұсынды. Барлық педагогтар тақырыпты таңдауда және сабақтың жоспарын құруда, қажетті құрал-жабдықтарын дайындауда жауапкершілікпен келді, техникалық құралдарды пайдалану біліктіліктерін көрсете білді.Педагогтар тәрбиеленушілерді ұйымдастырудың түрлі тәсілдерін қолданды, барлық балаларды өзінің назарымен  қамтуға тырысты, балалармен жұмыс жасаудың әдістері мен тәсілдерін меңгергендігін көрсетті. Тәрбиеленушілер ұжымдық және шығармашылық жұмыстарға үлкен ынтамен қатысты. Білім беру іс-әрекетінің ашық көрсетілімдері  педагогтардың біліктілігін жетілдіруде және жалпы білім беру процесінде маңызды рөл атқарады. Олар әріптестерінің қалай жұмыс атқарытын көріп,  позитивтік тәжірибесін пайдалануға  мүмкіндік алады. Ұжыммен жұмыс жасаудың осындай  түрі   педагогтарға тәжірибесімен бөлісуге, ал жас педагогтарға тәжірибе жинауға мүмкіндік береді.