Даярлық "А" топтың балалары күзгі демалыс күндеріне жоспарланған "Әскери Данқ музейіне" мақсатты серуенге барып қайтты.  Музейдің ішкі көрінісі балаларды сонау соғыс жылдарымен таныстырды. Жерлестеріміздің портреттері мен медальдары, жеке заттары мен бұйымдары әдемі көрмелер болып орналасқан. "Сталинград шайқасы", "Анасы баласын соғысқа шығарып салу", "22 маусым, 1941 жыл Павлодарда" атты сюжеттік көрмелер балаларға өте ұнады. Жас бүлдіршіндердің патриоттық сезімдері оянып, көптеген сұрақтар туындады. "Ерлік - мәңгі есте" деген ұранмен қоштасып, музеймен таныстырған апайға балалар рахметтерін жаудыра айтты.