Педагогикалық кадрларды аттестаттау аясында «№35 сәбилер бақшасында» ашық сабақ көріністері өтті. Жоғарғы біліктілік санатына өтініш білдірген Османова М.М. ортаңғы топ балаларымен «Жабайы жануарлар әлемі» атты, ал бірінші санатқа өтініш берген Андреева С.В. «Математика еліне саяхат» атты сабақтар өткізді. Біліктіліктің бірінші санатына өтініш білдірген Ахметбекова М.Е. бақшада қолданылатын вариативті «Сиқырлы қағаз» компоненті бойынша мектепалды даярлық тобының балалары арасында шеберлік сыныбын өткізді.Барлық сабақтарда түрлі технологиялар мен шығармашылықтың дәстүрден тыс тәсілдері қолданылды.Сабақтар діттеген мақсаттарына толық жетті деуге болады. Балалар сабақ барысында қуаныш, таңданыс эмоцияларын сезінді. Қала педагогтары сабақтардың өткізілу деңгейіне жоғары баға беріп, оң пікірлерін қалдырып кетті.