№ 25 ЖОМ робототехника бойынша «Менің роботым» ІV қалалық олимпиадасына Павлодар қаласының 26 жалпы білім беретін мектебінің 5 - 11 сынып оқушыларынан құралған 88 командадан 39 команда қатысты. Мақсаты-роботтарды бағдарламалау және құрастыру бойынша шығармашылық қызметте дарынды оқушыларды қолдау.

25 мектептің 5 - 8 сынып оқушылары «Кегельрингквадро», «Робофутбол» санаттарында жарысты. Қатысушылар 2 минут ішінде рингті көрсететін шеңберден тыс белгіленген түсті түйреуішті шығаруға мәжбүр болды. М. Әуезов атындағы  мектеп командасы жеңімпаз атанды. II орынды № 16 мектеп-лицей, № 6, 43 ЖОМ, III орынды № 37, 40, 41 Қ. Бекхожин атындағы ЖОМ командалары иеленді. «Робофутболда» командалар қарсы қақпаға гол соғып, өз қақпаларын қорғады. Интеллектуалды робот-спортшылар арасындағы сайыстарда доп пен робототехникаға арналған кәсіби полигон қолданылды. Шағын турнир барысында қатысушылар бағдарламалау, механика, құрастыру бойынша өз білімдері мен дағдыларын көрсетті, қарсыластармен өзара байланыс  жасалды. М. Әлімбаев атындағы мектеп командасы  жеңімпаз атанды, II орынды № 17 ЖОМ, III орынды № 11 ЖОМ иеленді.

       10 жалпы білім беретін мектептің 9 - 11 сынып оқушылары «Лабиринт» санатында жарысты. Командадағы Роботтар ең аз уақыт ішінде барлық кедергілерді айналып өтуі керек еді. Жарыс қорытындысы бойынша I орынды № 16 мектеп-лицейі, II орынды Қ. Мақпалеев атындағы № 35 ЖОМ иеленді.

        Жалпыкомандалық есепте № 16 мектеп-лицейінің командасы абсолютті жеңімпаз  атанды.