Павлодар қаласы білім беру бөлімінің «Жаз - 2022» жазғы жобасы аясында қаланың 39 жалпы білім беретін мектебінде 1 маусымнан бастап 20 мыңнан астам оқушыны қамтитын 1 - 4 сынып оқушылары үшін мектеп жанындағы лагерьлер жұмыс істейді. Мақсаты - жазғы кезеңде бос уақыттарын ұйымдастыру және сауықтыру, қызығушылықтары бойынша шығармашылықтарын дамыту.

Мектеп жанындағы лагерьлер 2 маусым әрқайсысы 15 күннен күндізгі болумен жұмыс істейді. Бірінші маусым 1-21 маусым аралығында, екінші маусым 22 маусым мен 12 шілде аралығында өтеді. Мектеп жанындағы лагерьлерде оқушылар 3 рет тамақпен қамтамасыз етіледі. Жазғы науқанды өткізуде әлеуметтік қолдауға мұқтаж балаларға ерекше көңіл бөлінеді. Қамқоршылары бар отбасыларда тұратын жетім балалар, ата-анасының қамқорлығынсыз қалған балалар 100% және аз қамтылған отбасылардың балалары 50% жергілікті бюджет қаражаты есебінен демалыспен және сауықтырумен қамтылатын болады.

Балалардың мектеп жанындағы лагерьде болуы мектептердің бекітілген жұмыс жоспарларымен регламенттелген. Жұмыс жоспарында дене шынықтыру, мәдени, зияткерлік, шығармашылық, көркемдік даму, қаланың қосымша білім беру ұйымдарымен өзара іс-қимыл жасау мүдделері бойынша сабақтар, кинотеатрларға, драма театрларға, мұражайларға бару, түрлі экскурсиялар көзделген.

«Жаз - 2022» жобасы аясында № 36 экологиялық бағыттағы мектепте сауықтыру лагеріндегі бастауыш мектептің 200 оқушысы үшін сынып бөлмелері әдемі безендірілген, асханада дәмді таңғы ас, түскі ас және бесін ас дайындалуда. Күн сайын мерекелер, викториналар, спорттық жарыстар, эстафеталар, балалардың өмірі мен денсаулығын қорғау бойынша әңгімелерді өткізу жоспарланған. «Бала Nime» іс-шарасын өткізу кезінде қонаққа үлкен қуыршақ театрының кейіпкерлері шақырылды. Мерекені Баба Яга мен Леший «Жаз сәлем» флешмобымен ашты. Ертегі кейіпкерлері Ер Төстік пен Пеппи Длинный байқауларды өткізіп, балмұздақ таратты. Балалар «Спортландия» квест-ойындарына қатысты, «Эко жастар» станциясында, «Е2Е4» шахмат клубында фокустар көрсетілді, «Суперстар» станциясында «Шафл» биін үйретті, «Робокопбой роботтарының жарыстарына қатысты, «Болашақ ғылымы», «Еркін тіл» шығармашылық станцияларында «Жас шебер» шеберханасында үлкен қуыршақтар театрының «Алмас құлақ» ертегісі көрсетілді.

- Балалар - бұл біздің үмітіміздің көрінісі. Олар мүмкіндігінше көңілді, қуанышты балалар болып қала берсін. Біз бірге балалардың өмірін қызықты, жарқын және қуанышты етеміз, - дейді мектеп директордың орынбасары Русакова Зоя Михайловна.

Сондай-ақ, бұл мектепте 5 - 8 сыныптардың 230 баласы үшін «Happy English», «Еркін тіл», «Диалог», «Пифагор», «Электрон», «Дене шынықтыру және спорт», «Барлығы билейді», «Чемпиондар клубы», «Сириус» бағыттары бойынша, «Экожастар», «Экомир», «Адалурпақ», «Жасшебер», «Қызықты лингвистика», «Қызықты химия», «Білімпаз» робототехника бойынша 16 бейінді жасақ жұмыс істейтін болады. Ауысым бойы балалар түрлі оқиғалардың калейдоскопына қатысады.

2 маусым күні Павлодар қаласының білім беру бөлімі орталық мәдениет және демалыс саябағында 1000-нан астам оқушыға арналған «Бүлдіршін» мектепке дейінгі шығармашылық байқаулардың, «Ақ шағала» фестиваль-байқауының жеңімпаздары мен жүлдегерлерінің қатысуымен концерт ұйымдастырды, балалардың шығармашылық жұмыстарының көрмесі ұсынылды, қозғалмалы ойындар өткізілді. Барлық балаларды «Жаңа роса» ЖШС өкілдері газдалған сусындарымен және «Айгерим» фирмасы ЖШС балмұздақпен қуантты.