Павлодар қаласы білім беру бөлімінің әдістемелік кабинеті № 6 ЖОМ «Мектепте педагог-ассистенттер мен мұғалімдердің тиімді өзара іс-қимыл жасауы және табысты практиканы құру ресурстары» тақырыбында семинар-практикумды өткізді. Мектеп директорларының 30-дан астам орынбасарлары мен 29 педагог-ассистенттері қатысты.
Семинарда Павлодар қаласы білім беру бөлімінің әдіскері Шолпан Семенқызы Нұрахметова сөз сөйледі. «Білім беру ұйымдарындағы инклюзивті білім беру жағдайындағы педагог-ассистенттің рөлі» тақырыбындағы баяндамасында әлеуметтенуге және әлеуметтік-тұрмыстық дағдыларды игеруге, ата-аналармен өзара іс-қимылда ерекше білім беруді қажет ететін балалармен тиімді, икемді, бағдарланған жұмыс жасауда педагогикалық қолдаудың маңыздылығын атап өтті. Қалалық психологиялық-медициналық-педагогикалық консультацияның жетекшісі Айтбаева Слушаш Айткенқызы ерте диагностика жүргізу, мінез-құлықты бақылау және түзету, өз бетінше оқыту мен өзіне-өзі қызмет көрсетуге дайындық мәселелеріне тоқталды. Ол ерекше білім беруді қажет ететін балалардың дамуының оң динамикасымен құжаттық базаны дайындау және жинау, аутизм бұзылыстары, ақыл-ой кемістігі, психикалық дамуы тежелген балаларды оқыту мен тәрбиелеуге арналған бағдарламаларды анықтау үшін объективті сипаттамалар жазу бойынша ұсыныстар берді. Павлодар қаласы білім беру бөлімінің бас маманы, инклюзивті білім беру мәселелері жөніндегі облыстық жұмыс тобының мүшесі Сивирина Алла Федоровна кедергісіз орта құруға, ерекше білім беруді қажет ететін балаларды қоғамға кіріктіруге, бейімделген және жеке бағдарламалар бойынша оқытуда интерактивті әдістер мен инновациялық педагогикалық тәсілдерді енгізуге баса назар аударды.
Қатысушыларға ерекше білім беруді қажет ететін балаларды психологиялық-педагогикалық сүйемелдеу қызметінің жұмыс тәжірибесі, № 6 ЖОМ педагог-ассистенттерінің педагогикалық шеберліктері ұсынылды. Мектеп директоры Калиаскарова Салима Жакиева қатысушыларды ерекше білім беруді қажет ететін балаларды оқу үдерісіне интеграциялау және ерекше білім беруді қажет ететін балалардың ата-аналарымен кеңес берудің жұмыс шарттарымен таныстырды. Мектеп басшысының орынбасары Сейсембаева Бұлдана Жұмагелдіқызы психологиялық-педагогикалық сүйемелдеу қызметі мамандарының қызметі туралы айтып берді. Инклюзияны қолдау кабинетінің әдіскері Мусина Айгүл Алпысбайқызы «Ерекше білім беруді қажет ететін балаларды әлеуметтендірудегі, интеграциялаудағы педагог-ассистенттің рөлі» тақырыбында сөз сөйледі. Каримбаева Зульфия Анваровна «Аутестикалық бұзылулары бар балаларда оң мінез-құлықты қалыптастыру тәсілі ретінде көрнекі белгілер» тақырыбында баяндама жасады. Шорохова Мария Вячеславовна «Ойын мектепте АСБ бар балаларды әлеуметтендіру және коммуникациялау құралы ретінде» семинар өткізді. Биология пәнінің мұғалімі Алпысбаева Алтынай Жылқыбайқызы «Мектеп жанындағы учаскеде ерекше білім беруді қажет ететін балалардың жұмысын ұйымдастыру» тақырыбында жұмыс тәжірибесімен бөлісті. Кенжина Ольга Каратаевна «Орыс тілі сабақтарында ерекше білім беруді қажет ететін балаларға жеке көзқарас» тақырыбында, Яршукова Юлия Леонидовна «Инклюзивті практикадағы бастауыш сынып мұғалімінің жұмыс тәсілдері мен әдістері» тақырыбында баяндама жасады.
Логопед-мұғалім Джумалиева Айгүл Жылқыбаеваның педагогикалық шеберлігі сабақта және сабақтан тыс жұмыста дәстүрлі емес жұмыс түрлерін қолдану бойынша ұсынылды. Ол семинарға қатысушыларды «Сәлемдесу», «Музыка терапиясы», «Су Джок терапиясы» рәсімдеріндегі психоэмоционалды шиеленісті жеңілдету бойынша «Камешки Малбрс», «Артикуляциялық текшелер» оқу және жазу ойындары бұзылған балаларға арналған қолдың тактильді сезімталдығы мен ұсақ моторикасын дамыту үшін «Құм терапиясы», «Сенсомоторлы юбка», «Логопедиялық футбол», нейропсихологиялық жаттығуларды көрсетті.
Семинар қорытындысы бойынша қатысушыларға әдістемелік ұсынымдар беріліп, семинар материалдары қала мектептеріне жолданды.
