Павлодар қаласы білім бөлімінің «Павлодар дарыны» бос уақытты  қамту және балалардың  дарындылығын дамыту орталығымен  2023 жылы 12 қаңтарда «Абай оқулары» Республикалық байқауының қалалық кезеңі өткізілді. Байқаудың мақсаты - Ұлы Абай шығармаларын білу, Абай шығармашылығын зерттеумен айналысатын оқушыларға қолдау көрсету.

- Абай Құнанбаев қазақ халқының ұлы ойшылдарының бірі, өйткені ол өз еңбектерінде адам бейнесінің жоғары құндылығын дәріптеп, мәңгілік философиялық мәселелерге жауап іздеді. Абай шығармашылығын зерделеу оқушылардың ой-өрісін арттыруға, ойлауын дамытуға, классикалық әдебиетті оқу дағдыларын, шығармашылық жұмысты дамытуға ықпал етеді, - дейді «Павлодар дарыны» орталығының әдіскері Айгүл Жылқыбайқызы Шакенова.

Абай оқулары алты бағыт бойынша өтті - «Өлең - сөздің  патшасы, сөз сарасы» - Абай шығармаларын жатқа оқу байқауы. «Абайдың қара сөзі» - Абайдың қара сөздерін жатқа білу,  «Абайдың ақын шәкірттерінің шығармалары» - Шәкәрім Құдайбердіұлы, Ақылбай Абайұлы, Мағауия Абайұлының шығармаларын жатқа оқу, «Көңілім әнді ұғады» - ән және күй орындаушылар байқауы, «Жүйріктен  жүйрік озар жарысқанда» - өз шығармаларының жас дарындар  байқауы, «Ұлылар әлемі» - эссе байқауы.

Оқуға қаланың 30 жалпы білім беретін мектебінен 8 - 11 сыныптың 109 оқушысы қатысты. Оқу қорытындысы бойынша жүлделі орындарды 56 оқушы иеленді, оның ішінде І орын - 7 қатысушы ІІ орын - 13, ІІІ орын - 36.

- Әлем бір сәт сияқты өзгеріп отырады, бірақ Отанға, туыстарына деген сүйіспеншілік, мейірімділікке деген ұмтылыс, достық пен парасаттылықты бағалай білу мәңгілік болып қала береді. Бұл Абай үйрететін нәрсе. Оның шығармашылығы - ағартуда, еңбекте, адамның рухани дамуында көрген жаңа өмірдің символы, оқу жеңімпазы А. Бөкейхан атындағы мектеп-лицейінің 10 сынып оқушысы, «Қалың елім, қазағым, қайран жұртым» атты эссесінде жазды. Ол облыстық оқуларға қатысады.

- Абай ғалым, ойшыл, ақын, ағартушы, жаңа ұлттық әдебиеттің негізін қалаушы, аудармашы және композитор ретінде еліміздің тарихына баға жетпес үлес қосты. Сондықтан мен оның шығармашылық жолын, өмірбаянын, өмірі мен қызметінің тарихи кезеңін білгім келеді, - дейді Кенжекөл ЖОМ 10 сынып оқушысы, Амандық Ернұр оқу жеңімпазы.

Сондай-ақ, оқудың облыстық кезеңіне № 17 мектептің 11 сынып оқушысы Ғалымжан Айбек, № 38 мектептің  5 сынып оқушылары Әлімхан Ерасыл және Амантай Ерғали, Кенжекөл ЖОМ 7 сынып оқушысы,Сманова Гүлнәз қатысады. Облыстық  оқуларға қатысуға үміткерлер арасында Абайдың 67 шығармасын жатқа білетін Амандық Ернұр, өз шығармасының 49-дан астам өлеңінің авторы Амантай Ерғали.

Барлық қатысушылар «Павлодар дарыны» орталығының сертификаттарымен марапатталды. Жеңімпаздар мен жүлдегерлер Павлодар қаласының білім бөлімінің түрлі дәрежелі дипломдарымен марапатталды. Облыстық оқулар 2023 жылдың 24 қаңтарында өтеді.