Қалалық білім беру бөлімінің жоспары негізінде 2016 жылы 8 - 9 желтоқсан күндері 15 жалпы білім беру пәндері бойынша орыс және қазақ тілдерінде оқушылардың қалалық пәндер олимпиадасы өткізіледі. Басталуы: 09.00 сағатта. Өткізілу орны: № 37 жалпы орта білім беру мектебі (Ворушин көшесі, 6/2). Олимпиадада қаланың 41 мектебінің 9 - 11 сынып оқушылары аралығынан мектепішілік олимпиаданың жеңімпаздары мен жүлдегерлері - 718 оқушы қатысады. Мектепішілік олимпиадада 11190 оқушы қатысты. Оның ішінде әртүрлі деңгейдегі олимпиада қатысушылары мен алғаш рет қатысып отырғандары бар. Пәндік олимпиада дарынды жастарды анықтау мен қолдау ғана болып табылмайды, ол білімнің әлеуметтік деңгейін жоғарылатуға септігін тигізеді. Оқушылардың қалалық пәндер олимпиадасына қатысуы инттеллектуалдық мәдениет пен тәжірибе жинауды қалыптастырудың жаңа баспалдағы болып табылады. Қалалық олимпиаданың жеңімпаздары мен жүлдегерлері 2017 жылдың қаңтар айында өткізілетін облыстық кезеңіне қатысады.