1 маусымда Халықаралық балаларды қорғау күні аталып өтілді. Бұл күн барлық балалар үшін күн шуақты мереке, жаз мезгілінің басталуы. Балалар ересектер тарапынан үнемі қорғау мен қамқорлықты, жауапкершілікті күтетіні белгілі жайт. Біздің балабақшада халықаралық балаларды қорғау күні өте көңілді өтті. «Балалық шақ – бұл Мен және Сен» атты мерекелік ойын-сауықтан бүлдіршіндер естен кетпейтін әсер алды. Мерекеге барлық топтар қатысты.
Балабақша фойесінде тәрбиеленушілер және ата-аналардың көмегімен «Бақытты балалық шақ» атты сурет көрмесі ұйымдастырылды. Дене тәрбиесі нұсқаушысы Е.Н.Киршина өткізген флэш-мобқа балалар үлкен шаттықпен қатысты. Жазғы мерекеден кейін асфальтта сурет салу конкурсы өтті. Конкурсқа сурет салуды жақсы көретін барлық балалар қатысты. Олар нағыз сиқыршыларға айналды, себебі, асфальт алаңын ертегілер әлеміне айналдырды.