№ 19 орта білім беру мектебінде 1-11 сыныптарда 

«Қазақстан жолы-2050: бір мақсат, бір мүдде, бір болашақ»  атты  сынып сағаттары өтті.

Мақсаты: Оқушыларды Қазақстан Республикасының Президенті Н.Ә. Назарбаевтың халыққа арналған жаңа жолдауымен   таныстыру. Жолдауда қойылған мақсаттарды түсіндіру арқылы, өз елі мен жерін мақтаныш етуге, өткен тарихын біле отырып, отансүйгіштікке, ұлтжандылыққа тәрбиелеу.

              Биылғы  жылғы Елбасының «Қазақстан жолы - 2050:бір мақсат, бір мүдде, бір болашақ» атты жолдауында,  ең бастысы - еліміздің рухын көтеретін, ұлы мақсаттарға жеткізетін«Мәңгілік ел» ұлттық идеясы жарияланды. «Мәңгілік ел» идеясы - елімізді өз мақсатына талай дәуір сынынан сүріндірмей жеткізетін тұғырлы идея. Осының барлығы дамыған 30 елдің қатарына кіруімізге жаңа серпін беретіні сөзсіз.   Қазақстан   Ассамблеясының  ХХІ сессиясында 2015 жыл Қазақстан халқы Ассамблеясы жылы деп жарияланғаны белгілі. Тәуелсіз еліміздің бірлігі мен ынтымағының іргесін берік ұстайтын ол әрине біздің жас ұрпақ!

Бұл сабақ оқушылардың танымдық қызығушылығын арттыра отырып, шығармашылық қабілеттерін, ой-өрісін дамытуға көп ықпалын тигізе білді.«Білімді ұрпақ-ел болашағы» деп Елбасымыз айтқан. «Еңбегіңмен алған білімің өзің үшін де, Елің  үшін де таусылмас асыл қазына болмақ» деп жастарымызға сенім білдіреді.

Біздің жастарымыз осындай үлкен жетістіктерге жете берсін деген тілек білдіреміз.