24-26 ақпан аралығында Екібастұз қаласында жасанды бедердегі туристік көпсайыс бойынша Павлодар облысының ашық чемпионаты өтті. Оған Екібастұз, Павлодар, Ақсу, Қарағанды және Семей қалаларынан 100-ден астам қатысушы қатысты.  Балалар-жасөспірімдер экология және туризм орталығы  2 команда ұсынды «Павлодар» командасының жетекшілері қосымша  білім беру педагогтары: Владислав Юрьевич Ридзаускас, Ирина Валерьевна Ридзаускене, Сергей Николаевич Агалаков, «Искра» командасының жетекшісі қосымша білім беру педагогы Рустам Айтанұлы Кенжин. Ал «2005 және одан жоғары» қашықтығында Павлодарлық команданың тәрбиеленушілері чемпион атанып, кубокты жеңіп алды. Қашықтықтарды өту нәтижесі бойынша біздің командалар 77 жүлделі орынға ие болды: 1 орын – 25, 2 орын – 28, 3 орын – 24. Жетекшілер Павлодар облысының спорт басқармасының алғыс хаттарымен марапатталды. Біздің тәрбиеленушілеріміз бен жетекшілерімізді – Рустам Айтановичті, Ирина Валерьевнаны, Владислав Юрьевичті, Сергей Николаевичті Чемпионаттағы жоғары көрсеткіштерімен құттықтаймыз!