Бүгін «Балалар әлемі» атты асфальтта балалар суреті конкурсы өтті. Асфальтта сурет салу! Бұл бүлдіршіндерге үлкен қуаныш әкелді. Конкурсты тәрбиеші Г.А.Қанжығалинова дайындап өткізді. Мереке өте көңілді болды: естияр топ балалары өлеңдер оқыды, барлық қатысушылар жұмбақтар шешті, көңілсіз Карлсонды қуанту үшін оған ғажайып суреттер салды. Бүлдіршіндердің салған суреттері Карлсонға ұнады. Суреттер қызықты да жарқын, шынайы болды. Балалар түрлі-түсті борлармен күн, кемпірқосақ, гүлдер, үлкен ауа шарының үстінде отырған қызды бейнеледі. Әр сурет мейірімділікке толы болды. Мереке соңында Карлсон әр топты дипломдармен марапаттады.