«Жарқын болашақ» қазақ тілінен республикалық олимпиаданың облыстық кезеңіне   2023 жылғы 26 сәуірде дарынды жастарға арналған «Білім-Инновация» лицей-интернатының базасында облыстың мамандандырылған және жалпы білім беретін мектептерінен 130-дан астам 7-11 сынып оқушылары - олимпиаданың қалалық және аудандық кезеңдерінің жеңімпаздары, оның ішінде Павлодар қаласының жалпы орта білім беретін мектептерінің 11 оқушысы: № 2, 11, 17 (3), 24, 25 (2), А.Байтұрсынұлы, Ж. Тәшенев , Ш. Шөкин атындағы мектеп-гимназияның оқушылары қатысты.

Байқаудың мақсаты-оқушылардың шығармашылық, ізденушілік қабілеттерін, мәдени дүниетанымын дамыту.

Олимпиада бес бағыт бойынша өтті: «Бейнелеушілер» - комикстер жанрындағы қазақ әдебиетінің туындыларын салу; «Білгірлер бәйгесі» - мақал - мәтелдер, жұмбақтар, ертегілер жанрларын білу; «Жас қаламгер» - шығармашылық мүмкіндіктерді бағалау; «Сөз  шеберлері» - сахнада шешендік қабілеттерін  көрсету; «Әнші - бұлбұлдар»  - әннің қалпын бұзбай, нақышына келтіріп орындау.

Олимпиада қорытындысы бойынша жүлделі орындарға Павлодар қаласы мектептерінің 10 оқушылары ие болды  .

- «Бейнелеушілер» бағытында І орынды № 24  мектебінің 9 сынып оқушысы Валиханова Камила, ІІ орынды № 17 мектебінің 11 сынып оқушысы Кайстра Иваниеленді;

- «Білгірлер бәйгесі»  бағытында  ІІ орынды № 17 мектебінің 9 сынып оқушысы Туғанбай Әмірхан иеленді;

 - «Жас қаламгер» бағытында ІІІ орынды № 25 мектебінің 9 сынып оқушысы Рамазанова Амина;

- «Сөз шеберлері» бағытында ІІІ орынға № 11 мектебінің Половинко Татьяна,  № 25 мектебінің Камесхан Нұртілек, Ж.Тәшенев атындағы мектебінің Кашимхан Аягөз  10 сынып оқушылары ие болды;

- «Әнші-бұлбұлдар»  бағытында І орынды № 17 мектебінің 10 сынып оқушысы Петрова Полина, ІІ орынды Ш.Шөкин атындағы гимназия- мектебінің 7 сынып оқушысы Ибрай Аружан,ІІІ орынды № 2 мектебінің 8 сынып оқушысы, Тлеухан Мухаммед иеленді.

Жеңімпаздар мен жүлдегерлер облыстық білім басқармасының дипломдарымен марапатталды.