Павлодар қаласының №39 мектебі Ы.Алтынсарин атындағы Ұлттық білім академиясы “Білім және ғылым жүйесін дамытудың ғылыми негізі” нысаналы-бағдарламалық қаржыландырудың (QR 11465474) “Қазақстан Республикасында үштілді білім беруді дамытудың концептуалды негізі” жобасы аясында 5-8 сыныптар арасында «Қызға қырық үйден, ұлға отыз үйден» атты тыйым сөздер сайысын өткізді. 

Тақырып атауына сай сайысқа «Қыздар» және «Ұлдар» тобы қатысты. Алғашқы таныстыру сайысында екі топта ерекше таныстыру өлеңдерін ұсынды. 

Сайыс бес кезеңнен тұрды. Оқушылар барлық кезеңдерге қызығушылықпен белсенді қатысты. 

Осы сайысқа қоса 5-8 сынып оқушылары арасында «Тыйым сөздер» көркем сурет байқауы ұйымдастырылды. Байқауға 40-тан аса жұмыстар қабылданып, іріктеу нәтижесінде үздік жұмыстар анықталды. 

Сайыс нәтижесінде оқушылар мадақтамалармен және тәтті сыйлармен марапатталды.

Жауапты мұғалім: И.Р.Гросс