Ы.Алтынсарин атындағы ҰБА «Қазақстан Республикасында үштілді білім беруді дамытудың концептуалдық негізі» жобасы шеңберінде өткізілетін  «Ұлыстың Ұлы күні – әз Наурыз!» атты Тілдер апталығының алғашқы бастауы ғасырдан-ғасырға келе жатқан салт-дәстүрімізді дәріптеу мақсатында «Көрісу күні» мерекесі өткізілді. Оқушылар мен мұғалімдер ұлттық киімдер киіп, «Жасың құтты болсын!», «Жасыңа жас қосылып, ғұмырың ұзақ болғай!» деп қазақ тілінде тілек айтты. Мерекенің құрметіне шашу шашылып, Наурыз туралы ән айтып, Қамажай билеп, домбыра тартылды.