2026 жылдың 19 ақпанында Астана қаласының Б.Қошқарбаев атындағы №44 жалпы орта білім беру мектебі базасында «DARYA SCAFFOLD: ІЗДЕНІС, ТӘЖІРИБЕ және НӘТИЖЕ» атты республикалық семинар өтті. Іс-шараның мақсаты – инновациялық білім беру технологияларын және SCAFFOLD әдістемесін оқу үдерісіне енгізу бойынша озық педагогикалық тәжірибе алмасу болды.

Семинарға Қазақстанның барлық өңірлерінен педагогтер, сондай-ақ заманауи білім беру саласының сарапшылары қатысты.

Практикалық бөлім барысында №44 мектеп мұғалімдері ашық сабақтар көрсетіп, оқушыларды оқу үдерісінің әр кезеңінде жүйелі қолдау жоғары нәтижеге қол жеткізуге мүмкіндік беретінін тәжірибе жүзінде дәлелдеді. Қатысушылар оқу бағдарламаларын бейімдеу жолдарын және білім алушылардың сыни ойлау дағдыларын дамыту құралдарын талқылады. Павлодар қаласының

№39 мектебі педагогтері М.Х.Түлкібекова ,  Т.В.Жукова,  А.К.Жангазин, Г.Минап, С.А.Сабирова  семинар қатысушыларына аталған білім беру стратегиясын оқу үдерісінде тиімді жүзеге асыруға бағытталған өздерінің әдістемелік кейстері мен практикалық модульдерін ұсынды.

Павлодарлық педагогтердің цифрлық құралдарды сараланған қолдау тәсілдерімен ықпалдастыру тәжірибесі қатысушылар тарапынан ерекше қызығушылық тудырды.