2026 жылғы 16 сәуірде Б. Ахметов атындағы Жоғары педагогикалық колледж базасында нәтижелі кәсіби диалог алаңы ұйымдастырылды. Ғылыми-тәжірибелік конференция аясында №39 жалпы орта білім беру мектебінің педагогтері болашақ бастауыш сынып мұғалімі - студенттерге тәжірибеге бағытталған сабақ өткізді.

Педагогтердің шығармашылық тобы: Т.В.Жукова , А.К.Жангазина , Г.Минап , С.А.Сабирова  және М.Х. Тулькубекова «Scaffold-Lab: тиімді сабақты жобалау» тақырыбында воркшоп ұсынды.

Сабақтың негізгі мақсаты – студенттерді жаратылыстану, дүниетану, қазақ тілі және әдебиеттік оқу сабақтарында Scaffold білім беру құралын тиімді қолдануға үйрету болды. Тәжірибелі тәлімгерлер мен болашақ мұғалімдердің бірлескен жұмысы нәтижесінде алдағы кәсіби қызметке берік негіз болатын дайын сабақ кейстері әзірленді.

Өткен шеберлік сабағы заманауи әдіс-тәсілдерді сауатты қолдану – мазмұнды әрі нәтижелі білім беру үдерісін қалыптастырудың басты кілті екенін айқын дәлелдеді.