27–29 сәуір 2026 жыл

Педагогтердің кәсіби дамуына арналған үш күндік терең мазмұнды жұмыс — түсінуден нақты әрекетке дейінгі жол. Павлодар қаласының №39 гимназия сыныптары бар инновациялық үлгідегі жалпы орта білім беру мектебінің мұғалімі Минап Г. аталған білім беру іс-шарасына қатысты.

Қазақстан, Қырғызстан, Тәжікстан, Түрікменстан және Өзбекстаннан келген 53 педагог пен маман оқыту тәсілдерін қайта қарастырып, оларды тиімді ету мақсатында бір алаңда бас қосты. Жұмыстың негізгі өзегі — сапаның 8 индикаторы мен SCAFFOLD құралы болды.

1-күн — Түсіну

Қатысушылар педагогтердің кәсіби дамуына қатысты пікірлерді дәлелді және мифтік тұжырымдарға бөліп, «компас» арқылы қазіргі жағдайға талдау жасады. Әртүрлі елдердің нақты тәжірибелерімен танысты.

2-күн — Жобалау

SCAFFOLD карталары негізінде толыққанды сессиялар әзірленіп, өзара кері байланыс берілді. Іске асыру барысында кездесетін қиындықтар талқыланып, нәтижені бағалау жолдары қарастырылды.

3-күн — Іске асыру

Қатысушылар өз сессияларының үзінділерін тәжірибе жүзінде көрсетіп, идеяларды ұлттық контекске бейімдеді және өзара байланысты үш сессиядан тұратын бағдарламалар әзірледі.

Бұл тек оқу емес — бұл кәсіби өсу, ынтымақтастық және терең ойлану алаңы болды.