“Отан — отбасынан басталады” дегендей, отбасы шағын ғана мемлекет. Жанұяның береке бірлік-тірлігі әр сәбидің, әр баланың болашақ қадамы. 15 мамыр күні бүкіл әлем Халықаралық отбасы күнін атап өтеді. Бұл мереке 1993 жылдан бері Бірлескен ұлттар ұйымының Бас Ассамблеясының бастамасымен тойланып келеді. Отбасы - адамзаттың баға жетпес байлығы. Ол барлық заманда даму мен тұрақтылықтың негізгі факторы, мемлекеттің нығаюы мен халықтың әл-ауқатының жақсаруына тікелей әсер етуші және көмекші құрал болып табылды. Қазақстанда отбасы мәселесіне көп көңіл бөлінеді. Бүгінгі күні еліміздің жүрегі - Астана қаласында туу мен неке санының өсу үрдісі байқалады, бұл дегеніңіз, отбасы институты мәртебесінің көтерілуі деп білеміз. Астана қаласы АХАТ бөлімдері биылғы жылы 7000-нан астам бала туылса, 3500 неке тіркеліп, жаңа отбасы дүниеге келді. Аға-оқытушы: А.Т.Тугайбаева