2021 жылғы 12-13 наурызында №2 жалпы орта білім беру мектебі мен №32, №37 балабақша ата-аналарымен ZOOM платформасы арқылы онлайн кездесу өтті.

Кездесу барысында ата-аналарға №2 ЖОББМ туралы презентация ұсынылды. Мектептің материалдық-техникалық базасы, педагог кадрлары, оқушылар мен мұғалімдердің интеллектуалдық, шығармашылық, спорттық жетістіктері, мектептің жұмыс тәртібі туралы ақпарат берілді.  2021-2022 оқу жылы 1-сыныптарды қабылдайтын мұғалімдер жеке аталып, ата-аналармен таныстырылды. Сонымен қатар, 1-сыныпқа қабылдау тәртібі, қажетті құжаттар туралы айтылды.

Жиналыс соңында ата-аналар 1-сыныпқа қабылдауға қатысты көкейлеріндегі сұрақтарын қойды. «Балам орысша ойлайды, қазақ мектебінде оқуды алып кете ала ма?», «6 жастан қабылдайды ма?», «Гимназиялық сыныптарға іріктеу болады ма?», «Бала бірінші сыныпқа дейін нені меңгеруі керек?» деген сынды сұрақтар талқыланып, оларға толық жауаптар берілді.

Жиналыс барысында ата-аналар мектепке қызығушылық танытқандары байқалды.