Ата-аналарды педагогикалық қолдау орталығында
«Отбасындағы зорлық-зомбылықты ерте алдын алу», «Мектеп жасына дейінгі балалармен қақтығыстар», «Қарым-қатынастың тиімді әдістері» тақырыптарында кешенді тренинг ұйымдастырылды.

Тренинг барысында мамандар ата-аналарға тұрмыстық зорлық-зомбылықтың алғашқы белгілерін тану, оны болдырмау жолдары, бала мінез-құлқындағы өзгерістерді ерте бақылау тәсілдері туралы жан-жақты ақпарат берді.
Мектеп жасына дейінгі балалар арасындағы конфликтілердің себептері талданып, оларды дұрыс басқарудың заманауи әдістері ұсынылды.
Сонымен қатар, отбасы мүшелері арасындағы сенімді, жылы қарым-қатынас орнатудың тиімді коммуникациялық модельдері тәжірибелік тапсырмалар арқылы көрсетілді.

Шара ата-аналардың педагогикалық мәдениетін арттыруға, отбасы ішіндегі қолайлы орта қалыптастыруға және балалардың қауіпсіз дамуына бағытталды.

Барлық қатысушылар белсенділік танытып, мамандардан пайдалы кеңестер алды.