Оқушыларымыздың киелі жерлерге рухани саяхаты жалғасуда. Өткен аптада тур барысында тарихы Бұхар жырау, Мәшһүрдерден юасталатын, бергісі С.Торайғыров, Ш.Айманов, Қ.Сатпаевтармен толысатын киелі Баян өңіріне барып қайтты. Мәшһүр Жүсіптің кесенесін көріп, музейін тамашалады. Музейде дінтанушының жеке заттары, мұралары сақталған. Балалар Мәшһүрдің өмірбаянымен танысып, ол жайлы көп мағлұмат алды. Түскі ас ішкен соң, атақты "Қоңыр әулие" үңгіріне барды. Сапардың соңын Торайғыр ауылындағы Торайғыр көлі мен Сәкен шыңының етегіндегі бұлақ басында аяқтады.