Мектеп директорының оқу ісі жөніндегі орынбасары Бегежанова Тлектес Амантаевна білім беру саласындағы көпжылдық жемісті еңбегі мен кәсіби шеберлігі үшін «Білім беру ісінің құрметті қызметкері» төсбелгісімен марапатталды!
Бұл марапат – ұстаздың білім мен тәрбие жолындағы қажырлы еңбегінің, шәкірт тәрбиесіне қосқан сүбелі үлесінің және кәсіби біліктілігінің лайықты бағасы.
Тлектес Амантаевнаны мәртебелі марапатымен шын жүректен құттықтаймыз! Еңбегіңіз еленіп, абыройыңыз асқақтай берсін! Сізге зор денсаулық, отбасылық амандық, шығармашылық табыс және шәкірттеріңіздің биік жетістіктерін тілейміз!