Мектеп жанындағы «Күншуақ» атты жазғы лагерінде Ұлттық домбыра күніне арналған мерекелік «Домбыра –жан дүниесі» тақырыбында  іс –шаралар        өткізілді.  «Нағыз қазақ домбыра»  тақырыбындағы презентация және  «Домбыра туралы дастан» деген мультфильмді тамашалау  арқылы балалар қазақ халқының ұлттық аспабы туралы  білімдерін толықтырса, мерекелік концертте күй саздарын тыңдап, өздері де өлең шумақтарын жатқа айтып, қатысты.  Балалар домбыра туралы алған білімдерін «Домбыра - ұлттық аспап» деген шығармашылық шеберханада ортаға салды:  топтарға бөлініп,  аспаптың қаңқасын, құрылымын постерге салып, қорғады. Ал одан кейін суреттерінен көрме ұйымдастырылды. Балалар бүгінгі іс – шаралардан үлкен әсер алды.