Біз жанұямызда төрт жанбыз: әкем, анам, сіңлім және мен. Әкем жасы отыз жетіге келсе де спорттық сайыстарға қатысып, жүлделі орындарға ие болып келеді. Сол себепті болар әкем біздерді кішкентай кезімізден-ақ спортқа бейімдеді. Әкеміз біздің таңертең ерте тұруымызды, беті-қолымызды суық сумен жууымызды, сол сәтте жылдам қимылауымызды талап етеді. Осыған біз де дағдыланып қалдық.

Менің туған күніме ата-анам велоспед сыйлады. Оған мен өте қуандым. Күнде жүйелі түрде оны жүргізу арқасында, ширақ болып өсіп келе жатқан секілдімін. Спортта үлкен жетістікке жетуді армандамайтын бала жоқ шығар. Менің де өз арманым бар.

Дильнара ХАЙСИНА.